गल्ली ते दिल्ली काळजी वाहणाऱ्या खासदार

आरोग्य-स्वछता, रेल्वे, कृषी, कामगार विषयात विकासाशी कटिबद्ध लोकप्रतिनिधी- खा. प्रीतम मुंडे

सकारात्मक सदर - धनंजय गुंदेकर, बीड 9689043949

3 जून या तारखेला बीड जिल्ह्याच्या इतिहासात काळा दिवस म्हणून पाहितले जाते. याच दिवशी जिल्ह्याची भरली ओटी पालथी झाली अन नियतीने आमचा लोकनेता हिरावला. अनेक अधुरे कामे अन स्वप्न सोडून नियतीने आमचा लोकवारस जेव्हा गेला तेव्हा तो वारसा नियतीने दोन बहिणीच्या खांद्यावर टाकला. भारतातील सर्वाधिक मताधिक्याने येणाचा बहुमान आज प्रीतम मुंडे यांच्याकडे आहे तो एक प्रकारे जनतेचा असणारा विश्वास आहे. जिल्ह्यातील रेल्वे कामाला मिळालेली गती , पंतप्रधान सडक योजनेतून जिल्हा रास्तेमय झाला आहे याचे श्रेय प्रीतम मुंडे यांच्या पाठपुराव्याला द्यावे लागेल. मराठी अभिजात दर्जा देण्यासाठी अन जिल्ह्याचे अनेक प्रश्न संसदेत मांडले आहेत. जिल्ह्याला हागणदारीमुक्त करण्यापासून ते पंडित दीनदयाल उपाध्याय स्वस्थ महाराष्ट्र अभियान अंतर्गत "पथदर्शी आरोग्य पूर्व तपासणी मोहिमेपर्यंत जिल्ह्याच्या विकासासाठी हातभार लावणाऱ्या प्रत्येक बाबीची दाखल खासदार प्रीतम मुंडे घेताना दिसून येत आहेत.

   अहमदनगर ते नारायणडोह दरम्यान नगर-बीड-परळी रेल्वेच इंजिन २१ मार्च रोजी पहिल्यांदाच परिक्षणा साठी धावलं. बीडकरांच्या स्वप्नपूर्तीचे पहिले पाऊल ठरत खासदार मुंडेंच्या प्रयत्नांना यश मिळत असल्याचे जिल्ह्याला दिसून येऊ लागले. या दिवसानंतर जिल्ह्यातील लोकांना खासदार प्रीतम मुंडेंच्या कार्यपद्धतीची अवाढव्यता आणि संघर्षातून मिळवलेले विकासाचे राजकारण कळले. 

मोसमी पावसावर आधारित शेती असलेल्या बीड जिल्ह्यात ऐनवेळी पिकाला गरज असलेल्या खतांचा तुटवडा निर्माण होतो. काही खत- बी-बियाणे विक्रेत्यांकडून कृत्रिम टंचाई निर्माण केली जाते. शेतकऱ्यांच्या प्रश्नांची जाण ठेवत खत खरेदीत पारदर्शकता यावी म्हणून खासदारांनी विशेष लक्ष घालत एप्रिल महिन्यातच पीओएस मशीनचे वाटप करण्यात आले. 

   मागास जिल्हा म्हणून ओळख असणाऱ्या बीड जिल्ह्यातील सर्वसामान्यांना आरोग्यविषयक समस्यांचा आर्थिक भार असह्य होतो. या आर्थिक भाराची परवड कमी करण्यासाठी सर्वांगीण विकासाशी बांधिलकी असणाऱ्या खासदार मुंडे याकडे विशेष लक्ष देऊन असतात. जिल्ह्याच्या इतिहासातील सर्वात मोठ्या महाआरोग्य शिबिरानंतर जिल्हा रुग्णालय बीड तसेच स्वामी रामानंद तीर्थ महाविद्यालय व हॉस्पिटलच्या विकासासाठी व तेथील सेवांच्या उपलब्धतेसाठी महाराष्ट्रातील पहिले "वेलनेस क्लिनिक" खासदारांच्या पुढाकारातून सुरु करण्यात आले. १ मे ते २७ मे दरम्यान पथदर्शी आरोग्य तपासणी मोहिमेंतर्गत जिल्ह्यात यासाठी स्वतंत्र कक्षाची निर्मिती करून जिल्ह्यातील आरोग्यविषयक समस्यांचे निराकरण करण्याचा प्रयत्न खासदारांच्या पुढाकारातून करण्यात येणार आहे. पंतप्रधान मोदींच्या स्वच्छ भारत अभियानास सर्वसामान्यांपर्यंत पोहोचविण्यात भारतीय जनता पार्टीच्या महाराष्ट्र, मध्य प्रदेश, छत्तीसगढ़च्या खासदारांच्या टीममध्ये खासदार प्रीतम मुंडे आघाडीवर आहेत. स्वछतागृहांसाठी देण्यात येणारे १२ हजार रुपये कमी पडतात. यासाठी नवीन तंत्रज्ञानातून कमी खर्चात तयार होणारे स्वच्छतागृहे बनवण्यासाठी पुढाकार घेण्यात यावा यासाठी लोकसभेत खासदारांनी सवाल उपस्थित करत केंद्र शासनाला याबाबत विचार करण्यास भाग पाडले. 
  ओबीसी स्वतंत्र मंत्रालय स्थापना करणे हे स्व. गोपीनाथ मुंडे यांचे स्वप्न होते. यासाठी लोकसभेत खासदार मुंडेंनी पाठपुरावा केला होता.  बेघर व निराश्रित मुलांच्या पालन पोषणासाठी निवडलेल्या सेवाभावी संस्थाच शोषणास जबाबदार असतात हे संसदेत ठणकावत 'यासाठी केंद्र सरकार या गोष्टींना आळा घालण्यासाठी काही ठोस पावले उचलणार आहे का ? असा प्रश्न केंद्रीय महिला व बालविकास मंत्री श्रीमती मनेका गांधी यांना विचारून लोकप्रतिनिधींनीही अशा संस्थांवर लक्ष ठेवणे गरजेचे असते हे खासदार मुंडेंनी दाखवून दिले.

  मार्च महिन्यात संसदेत महिला प्रसूती सुविधा बील मंजुरीसाठी आले असता त्यासंदर्भात काही मुद्दे खासदार मुंडेंनी मांडले यामध्ये मातृत्व रजेचा लाभ ऊसतोडनी कामगारांसोबत असंघटीत क्षेत्रातील महीलांनाही मिळावा.स्तनपानासाठी महाराष्ट्र सरकारच्या धर्तीवर देशभरात हिरकणी कक्ष स्थापीत करावेत.महीलांना गरोदरपणाच्या हक्कांबद्दल जागृती करण्याची जबाबदारी रुग्णालयांनी घ्यावी.पित्यांनाही पितृत्व रजा देण्याचा विचार व्हावा.खाजगी क्षेत्रातील स्त्रीयांना मातृत्व रजेच्या काळात आर्थिक सुरक्षा देण्यासाठी सरकारने पुढाकार घ्यावा.गरोदर महीलांना पोटापाण्यासाठी पोटातील मुलांच्या आरोग्याची हेळसांड करण्याची वेळ येवु न देणे ही सरकारचीही जबाबदारी आहे. अशा या ऊसतोड आणि मजुरांच्या मागण्यांसंदर्भात लक्ष वेधणाऱ्या खासदारांनी मुंडेसाहेबांचा समर्थ वारसा आपल्या कार्यपद्धतीतून दाखवून देण्याचे काम अखंडितपणे सुरु ठेवलेले आहे.२ कोटी लोकसंख्येच्या मराठवाड्यातील उद्योग, व्यवसाय, शिक्षणासाठी परदेशात जाणाऱ्या लोकांना पासपोर्ट सुविधा येथेच उपलब्ध व्हावी म्हणून लोकसभेत पासपोर्ट कार्यलयासंबंधी पाठपुरावा खासदार मुंडेंनी केल्याने त्याची मंजुरी मिळत औरंगाबाद व बीड येथे हे कार्यालय लवकरच सुरु होणार आहेत.


  लोकप्रतिनिधींच्या चांगल्या कामांबाबत सकारात्मकता असायला हवी. चुकांवर बोट ठेवण्याबरोबरच केलेल्या चांगल्या कामाचीही शाबासकी किंवा प्रशं

शा व्हायला हवी. जिल्ह्याच्या दुर्लक्षित परंतु गरजेच्या प्रश्नाकडे खासदार मुंडे यांचे विशेष लक्ष असते याकडे सकारात्मकतेतून पाहणे गरजेचे आहे. राजकारणबाह्य सुसंवादासह कार्यकर्त्यांशी आपुलकी, संपर्क, जनसामान्यांच्या प्रश्नाची जाण व विकासासाठीची कटिबध्दतता त्यांना जिल्ह्यात उत्तरोउत्तर लोकप्रिय बनवत आहे.